طالبان افغانستان، طالبان تاجیک را به مرزهای تاجیکستان اعزام کرد

منابعی به رادیو آزادی گفته اند که طالبان افغانستان دست کم 130 تن از طالب های تاجیکستان را به «ولسوالی شهربزرگ» در ولایت بدخشان که هم مرز با ولسوالی «شمس الدین شاهین» در تاجیکستان است اعزام کرده اند.

یک سخنگوی طالبان اما در این باره گفته است که افراد اعزام شده از طالبان افغانستان هستند که برای تامین امنیت مرزهای افغانستان با تاجیکستان اعزام شده اند.

اما منابعی در تاجیکستان و افغانستان تایید کرده اند که طالب های اعزام شده وابسته به گروه جماعت انصارالله هستند که از طالب های مخالف دولت تاجیکستان می باشند.

ساکنان محلی در ولسوالی شهربزرگ بدخشان نیز تایید کرده اند که اخیرا افرادی که صورت هایشان را با ماسک پوشانده اند در نواحی مرزی با تاجیکستان دیده می شوند.

این گفته ها در حالی مطرح می گردد که چندی پیش «مهدی ارسلان» یک تن از فرماندهان گروه افراطی جماعت انصارالله اعلام کرد که آمادگی حمله به دولت تاجیکستان است.

بیشتر بخوانید:

فرمانده گروه جماعت انصار الله اعلام آمادگی جنگ علیه تاجیکستان کرد