دو هلی کوپتر مرز افغانستان-تاجیکستان را کنترل می کنند

هفته پیش دو کارمند یک شرکت سرک سازی توسط مردانی مسلح ناشناس در ولایت خالتون تاجیکستان که در نوار مرزی افغانستان و تاجیکستان قرار دارد ربوده شد.

مقامات دولتی تاجیکستان پس از این رویداد گفتند که این مردان مسلح از خاک افغانستان وارد خاک تاجیکستان شده بودند و همچنین یک کارمند دیگر این شرکت سرک سازی را به ضرب گلوله زخمی کردند.

یک مقام در دولت مرکزی تاجیکستان پس از این رویداد گفت که امام علی رحمان رئیس جمهوری تاجیکستان دستور داده تا اقدامات لازم در خصوص آزاد سازی این دو کارمند سرک سازی روی دست گرفته شود.

این رویداد همچنین در حالی به وقوع می پیوندد که تقریبا یک ماه پیش نیز، یک مرزبان تاجیکستان و یک مرد مسلح در یک درگیری در همین مرز کشته شدند.

ریاست مرزبانی تاجیکستان پس از آن گفت که این مردم مسلح نیز از خاک افغانستان وارد خاک تاجیکستان شده بود.