ورزشی
تیم ملی فوتبال نوجوانان افغانستان 3 بر 1 تاجیکستان را شکست داد
تیم ملی فوتبال زیر 15 سال کشورمان در اولین بازی خود در مسابقات قهرمانی فوتبال مرکز آسیا، تاجیکستان میزبان این مسابقات را با نتیجه 3 بر 1 شکست داد.
لازم به ذکر است که مسابقات قهرمانی منطقه مرکز آسیا با حضور تیم های افغانستان، تاجیکستان، ازبکستان، قرقیزستان و ترکمنستان روز گذشته در استادیوم شهر حصار تاجیکستان آغاز گردید.
این مسابقات در دو شهر دوشنبه و حصار تاجیکستان برگزار می گردد.
گل های این دیدار را فردین ناصری و سید اصغر حسینی در دقایق نخست، 83 و 92 وارد دروازه تیم تاجیکستان کردند.
تیم ملی فوتبال نوجوانان کشورمان در ادامه این مسابقات، امشب (سه شنبه) به مصاف تیم ملی قرقیزستان می رود.
