عبدالله ریاست شورای عالی مصالحه را نپذیرفت

برخی منابع فاش ساختند روز چهارشنبه(۱۳ حمل) نیز حامد کرزی و سیاف به دیدار عبدالله رفته و رهبری «شورای عالی مصاحبه» را به او پیشنهاد کرده‌اند ولی آقای عبدالله نپذیرفته است.
حامد کرزی رییس جمهور پیشین و استاد سیاف از رهبران جهادی بار دیگر به دیدار داکتر عبدالله رفته و تلاش کرده‌اند که اختلاف سیاسی را حل کنند.
گفته می‌شود رییس جمهور غنی فهرستی از چهره‌های با نفوذ سیاسی تهیه کرده و می‌خواهد شورای «عالی مصالحه» را ایجاد کند.
این منابع فاش ساخته‌اند از داکتر عبدالله خواسته شده رهبری این شورا را به عهده بگیرد، اما آقای عبدالله تاکنون توافق نکرده است.
با آن که چهره‌های سیاسی داخلی و برخی شرکای بین‌المللی افغانستان تلاش کرده‌اند اختلافات رییس جمهور غنی و داکتر عبدالله خاتمه یابد، ولی تاکنون این اختلافات ادامه یافته است.