سیاست
رئیس اجرایی حمله به کاروان موترهای جنرال دوستم را محکوم کرد
داکتر عبدالله عبدالله تأکید کرده‌است: «حملۀ تروریستان و دشمنان مردم افغانستان به کاروان موترهای سترجنرال عبدالرشید دوستم، معاون اول ریاست جمهوری، را با شدیدترین الفاظ محکوم می‌کنیم.»
کاروان موترهای جنرال دوستم روز گذشته در مسیر بلخ- جوزجان مورد حمله تروریستی قرار گرفت و به معاون اول ریاست‌جمهوری آسیبی نرسید اما شماری از شهروندان بی‌گناه شهید و زخمی شدند.
جنرال دوستم، از چهره‌های تأثیرگذار و معتقد به تأمین نظم و امن در افغانستان می‌باشد که تاکنون چندین بار از سوی دشمنان افغانستان و تروریستان هدف حملات متعدد قرار گرفته اما جان سالم به در برده است.
