بیش از 20 قرارداد همکاری در اولین انجمن تجاری بلاروس-افغانستان-تاجیکستان امضا شد
در جریان اولین انجمن تجاری بلاروس-افغانستان-تاجیکستان که در چارچوب نمایشگاه بین المللی جامع 2017 تاجیکستان در شهر دوشنبه این کشور برگزار شد، بیش از 20 قرارداد همکاری به امضا رسید.
هدف از برگزاری این انجمن گسترش همکاری های تجاری و اقتصادی بین بلاروس و تاجیکستان و همچنین ایجاد تماس‌های تجاری با افغانستان است.
هیات افغان اشتراک کننده در این انجمن متشکل از 60 شرکت به رهبری خان جان الکوزی معاون اتاق تجارت و صنایع کشور بود.
در هیئت تجاری بلاروس که تحت رهبری «سرگئی نبیشکو» رئیس اتاق بازرگانی این کشور به دوشنبه سفر می‌کنند، نمایندگان شرکت‌های موترسازی «بیلاز»، «ماز»، «امکادار» و همچنین کارخانه‌های مواد غذایی، دارویی و دیگر بخش‌های اقتصادی این کشور حضور دارند.
افتتاح رسمی نمایشگاه بین المللی جامع تاجیکستان-2017 در تاریخ 27 جولای برابر با 5 اسد سال جاری در مجمع دولتی «کاخ باربد» شهر دوشنبه برگزار شد.
