بیش از 10 هزار جنگجوی داعش از طرف افغانستان مرزهای تاجیکستان را تهدید می کنند

نیکولای باردیوژا سرمنشی سازمان پیمان امنیتی مشترک روز گذشته (چهارشنبه) گفت که افغانستان و تاجیکستان نزدیک به 1300 کیلومتر مرز مشترک با یکدیگر دارند و ناامنی ها در افغانستان مرزهای تاجیکستان را نیز تهدید می کند.

آقای باردیوژا که در دوشنبه پایتخت تاجیکستان به سر می برد با عبدالرحیم کاراوف دبیر شورای امنیت ملی تاجیکستان دیدار کرد، و در این دو دیدار دو طرف در رابطه به موضوعات مختلفی از جمله ثبات جهانی و منطقه، تهدیدهای امنیتی وارده به کشورهای عضو سازمان پیمان امنیتی مشترک بویژه تهدیدهایی که از سوی افغانستان می رسد به بحث و گفتگو پرداختند.

آقای باردیوژا در این دیدار در خصوص تقویت امنیتی مرزهای مشترک تاجیکستان و افغانستان صحبت کرد و گفت که سازمان پیمان امنیتی مشترک به زودی به تاجیکستان در کار ساخت تاسیسات مرزی برای تقویت امنیت مرزها و پوسته های امنیتی کمک می کند.

لازم به ذکر است که آقای باردیوژا چند ماه پیش و پس از پایان اجلاس ماه آپریل سازمان پیمان امنیتی مشترک گفته بود که بیش از 10 هزار تن از اعضای وابسته به گروه داعش تاجیکستان را تهدید می کنند.

وی گفته بود مرز مشترک افغانستان و تاجیکستان به طول 1300 کیلومتر این تهدیدهای امنیتی را برای تاجیکستان به بار آورده است.