عبدالله عبدالله وارد دهلی نو شد

سپیدار اعلام کرد داکتر عبدالله عبدالله، رییس شورای عالی مصالحه‌ی ملی و هیأت همراهش وارد دهلی‌نو شدند.

براساس اعلامیه‌ سپیدار، رییس شورای عالی مصالحه‌‌ی ملی جمهوری اسلامی افغانستان و هیأت همراه شان در میدان هوایی بین‌المللی اندراگاندی از سوی رییس تشریفات وزارت امور خارجه جمهوری هند، شارژدافر سفارت و دیپلماتان افغانستان در هند استقبال گردیدند.

رییس شورای عالی مصالحهٔ ملی در جریان سفر خود به جمهوری هند با رهبران ارشد این کشور در بارهٔ تلاش‌های صلح در افغانستان، مذاکرات دوحه، اجماع منطقه‌ای و حمایت از تلاش‌های صلح و روابط دوجانبه میان دو کشور ملاقات و صحبت می‌کند.

آقای عبدالله صبح امروز (سه‌‌‌شنبه، ۱۵ میزان) در رس یک هیات بلند رتبه حکومتی برای جلب حمایت از تلاش‌های صلح، به دعوت رسمی حکومت هند به آن کشور سفر کرد.