رئیس جمهور تاجیکستان با وزیر امور خارجه چین دیدار کرد/نمی توانیم نسبت به سرنوشت افغانستان بی تفاوت باشیم

 رئیس جمهور تاجیکستان در دیدار با وزیر امور خارجه چین گفت کشورش نسبت به سرنوشت افغانستان بی‌تفاوت نیست.

امامعلی رحمان، رئیس جمهور تاجیکستان، با وانگ یی، وزیر امور خارجه چین که جهت شرکت در نشست شورای سران سازمان همکاری‌های شانگهای وارد دوشنبه شده است، ملاقات کرد.

طی این ملاقات توسعه همکاری‌های دوجانبه در زمینه‌های مختلف سیاسی، اقتصادی و امنیتی مورد بحث و بررسی قرار داده شد.

رحمان با بیان مشترکات تاریخی، فرهنگی و مرزی افغانستان و تاجیکستان، گفت: «کشورش به دلیل وجود مرز طولانی، زبان و تاریخ مشترک با افغانستان نمی‌تواند نسبت به سرنوشت همسایه خود بی‌تفاوت بماند.»

رحمان همچنان افزود که کشورش خواستار برقراری صلح و ثبات پایدار در افغانستان است.