تاجیکستان نزدیک مرز افغانستان رژه نظامی برگزار نمود
به نقل از رسانه اوستا، امام علی رحمان، رئیس جمهور تاجیکستان، نظاره گر رژه نظامی که در تاریخ بیست و هفتم سپتامبر در منطقه درواز نزدیک مرز تاجیکستان با افغانستان برگزار شد، بود و در این مراسم سخنرانی کرد.
رئیس جمهور تاجیکستان در بازدید از منطقه خودمختار گورنو بدخشان چندین پروژه را افتتاح کرد.
نزدیک به دو هزار نیروی زمینی و مرزی، مجریان قانون و پنجاه واحد تجهیزات نظامی در یک رژه نظامی از مقابل چشمان امام علی رحمان عبور کردند.
رئیس جمهور تاجیکستان با تبریک سی امین سالگرد استقلال تاجیکستان به نیروهای نظامی این کشور از آنها خواست برای خدمت به کشورشان هر لحظه آماده باشند.
این در حالی ست که سخنگوی طالبان قبلا گفته بود نیروهای ویژه این گروه به ولایات همجوار با تاجیکستان اعزام شده است.
پیشتر نیز داکتر نعیم سخنگوی طالبان گفته بود اگر جامعه جهانی دخالت نکند طی بیست و چهار ساعت تاجیکستان را تصرف می کنند.
