تاجیکستان بوروکراسی آمریکا را مقصر تاخیر در خروج خلبانان افغان عنوان کرد
شماری از خلبانان افغانستان که پس از سقوط دولت با هواپیماهای نظامی شان به تاجیکستان رفته بودند، روز گذشته (سه شنبه) توسط یک هواپیمای مسافربری از تاجیکستان خارج شده و به امارات متحده عربی رفتند تا از آنجا به آمریکا انتقال داده شوند.
پیش از این، گزارش هایی از حضور این خلبانان نظامی افغان در تاجیکستان منتشر شد و آنها از بی سرنوشتی شان در تاجیکستان شکایت داشتند.
آنها می گفتند که در تاجیکستان به عنوان پناهجو یا مهاجر حضور ندارند، بلکه مانند زندانی در یک آسایشگاه حبس هستند و اجازه بیرون رفتن و خرید ندارند.
این خلبانان نظامی پس از سقوط دولت در کابل با هواپیماهای شان به سمت تاجیکستان پرواز کردند، اما به محض نشستن در خاک تاجیکستان بازداشت شده و در یک آسایشگاه نگهداری می شدند.
یک مقام ارشد تاجیکستان به رویترز گفته است که بروکراسی طولانی آمریکا سبب تاخیر طولانی مدت برای انتقال این خلبانان شده است.
وی گفت که پاسپورت های این خلبانان از آنها گرفته شده بود و به سفارت افغانستان در شهر دوشنبه داده شده بود و آنها برای تایید هویت این خلبانان به زمان نیاز داشتند.
این مقام تاجیک افزود که کشورش تمامی خدمات لازم را در زمان حضور این خلبانان در تاجیکستان به آنها داده بود.
بیشتر بخوانید:
