انورالحق احدی به تیم ثبات و همگرایی پیوست
تیم ثبات و همگرایی از سوی احزاب جمعیت اسلامی، جنبش ملی اسلامی و وحدت اسلامی افغانستان تشکیل شده است.
عبدالله عبدالله با معاونیت عنایت‌الله فرهمند و اسدالله سعادتی، نامزد ریاست جمهوری ۱۳۹۸ می‌باشد.
این در حالی‌ست که برگزاری انتخابات ریاست جمهوری آینده افغانستان تا این لحظه تحت تأثیر مذاکرات صلح با طالبان قرار گرفته‌است.
برخی پیش‌بینی‌ها می‌گوید در صورتیکه امریکا در توافق با طالبان بخواهد این گروه را در قدرت سیاسی افغانستان شریک سازد، تشکیل دولت موقت یک گزینه بسیار قوی به نظر می‌رسد.
در صورت تشکیل دولت موقت، انتخابات ریاست جمهوری افغانستان تا تاریخی نامشخص به تعویق خواهد افتاد. حکومت افغانستان اما با تشکیل دولت موقت به شدت مخالفت کرده بر برگزاری انتخابات در تاریخ معین تأکید می‌کند. با باور دولت افغانستان تشکیل دولت موقت تمام دستاوردهای هجده ساله در افغانستان را به باد می‌دهد.
