به گزار رها، ارگ ریاست جمهوری با نشر یک خبرنامه گفته است، صبح امروز چهارشنبه(۳ دلو)، محمد اشرف غنی در رأس یک هیأت عالی‌رتبه دولتی، به منظور شرکت در سومین روز اجلاس مجمع جهانی اقتصاد که به تاریخ ۲۴ جنوری برگزار می‌شود، عازم شهر داووس کشور سویس گردید.
بر اساس خبرنامه ارگ، رییس‌جمهور در جریان این سفر، در یک بحث با محوریت آینده‌ی اقتصاد افغانستان اشتراک می‌کند و در خصوص رشد اقتصادی و نقش بارز آن در اتصال منطقه‌ای صحبت خواهد کرد. همچنان او در ضیافتی که از سوی رئیس مجمع جهانی اقتصاد برای رهبران اقتصادی جهان ترتیب می‌گردد، اشتراک می‌نماید.
این در حالی است که دو روز پیش، دکترعبدالله، رئیس اجرایی حکومت وحدت ملی نیز عازم نشست مجمع جهانی اقتصاد گردید.
