جنگ در ولایت جوزجان را ژنرالان بازنشسته پاکستانی رهبری می کنند

به گفتۀ او، جنگ طالبان در این ولایت را جنرالان متقاعد پاکستانی به دستور شورای کویته رهبری می‌کنند.

فرمانده پولیس جوزجان می‌افزاید، رهبری جنرالان پاکستانی را فردی به نام شیخ مطیع‌الله به عهده دارد که تخریب پروژه‌های عام‌المنفعه، قتل غیرنظامیان و ماین‌گذاری را جهاد اعلام کرده است.

امرالدین دانشجو، عضو شورای ولایتی جوزجان نیز تأیید می‌کند در حال حاضر رهبری جنگ طالبان در این ولایت را جنرالان پاکستانی که از کندهار آمده‌اند به دوش دارند.

شماری از باشندگان جوزجان از بدتر‌شدن وضعیت امنیتی ابراز نگرانی می‌کنند و می‌گویند، بی‌توجهی به امنیت این ولایت سبب شده مردم در ترس‌وهراس زندگی کنند.

اما ذبیح‌الله مجاهد، از سخنگویان طالبان حضور جنرالان پاکستانی در جوزجان را رد می‌کند.

فعالان مدنی جوزجان می‌گویند، با گذشت هر روز وضعیت امنیتی در این ولایت وخیم‌تر می‌شود؛ اما حکومت خاموشی اختیار کرده‌است.