وزارت خارجه ازبکستان با انتشار بیانیه ای امروز (دوشنبه) گفته است نمایندگان گروه طالبان هیچ درخواستی برای اشتراک در نشست تاشکند که برای صلح افغانستان برگزار می گردد، ارائه نکرده و احتمالا در این نشست اشتراک نمی کند.
نشست بین المللی تاشکند برای صلح افغانستان در تاریخ 26 و 27 مارچ در پایتخت ازبکستان برگزار می گردد، و نمایندگان عالی رتبه بین المللی به شمول محمد اشرف غنی رئیس جمهوری کشور، «آنتونیوگوترش» دبیرکل سازمان ملل متحد، «تداماچی یاماموتو» نماینده دبیرکل سازمان ملل متحد در افغانستان، «فدریکا موگرینی» رئیس سیاست خارجی اتحادیه اروپا، و وزرای خارجه کشورهای هند، ایران، قزاقستان، قرقیزستان، پاکستان، روسیه، تاجیکستان و ترکیه در آن اشتراک می کنند.
وزارت خارجه ازبکستان در بیانیه اش علاوه کرده که این اشتراک کنندگان در این نشست بر شروع فوری گفتگوها میان دولت افغانستان و گروه طالبان تاکید خواهند کرد.
